Nútímaleg nýbygging í Njarðvík

Birkidalur ehf er að byggja þriggja hæða fjölbýlishús með 24 glæsilegum og vönduðum íbúðum við Dalsbraut 2 í Njarðvík. Allar íbúðir á jarðhæð eru með sér inngangi en aðrar með sér inngangi inn af stigapalli og er stærð þeirra frá 70 fermetrum til 101 fermetra. Húsið stendur á stórri lóð, með fjölda bílastæða.

Íbúðirnar eru þriggja, fjögurra og fimm herbergja, vel skipulagðar í þriggja hæða fjölbýlishúsi. Húsið er með tveimur lyftum auk þess að vera með sérmerktum bílastæðum fyrir hverja íbúð. Búið er að leggja fyrir hleðslustöð við hvert stæði og því einfalt að setja upp hleðslustöð fyrir hverja íbúð. Fallegar göngu- og hjólaleiðir eru frá íbúðunum og stutt í alla þjónustu. Mikill uppbygging er á svæðinu og stutt að keyra inn á Reykjanesbraut. Samgöngur til og frá svæðinu er því mjög auðveldar.

Eignir skilast fullfrágengnar að innan sem utan. Húsið er staðsteypt, einangrað að utan og klætt með báruáli og lerki klæðningu. Gluggar og hurðir eru úr áli og tré. Sérstök einangrun er frá stigagöngum og svölum að íbúðum til að verjast kuldabrú.

Að innan eru allar íbúðir með sérsmíðuðum innréttingum, fullmálaðar og með parketi. Eldhúsinnréttingar eru gráar með kvarts stein og vönduðum eldhústækjum. Baðinnréttingar eru einnig með granít stein og vönduðum blöndunartækjum. Innihurðir eru hvítar og innfelldar. Mjög gott skipulag er á íbúðunum.

Öllum íbúðum fylgir sér geymsla og einnig er hjóla- og vagnageymsla í sameignarrými.

Stapaskóli, einn glæsilegasti leik- og grunnskóli landsins hefur tekið til starfa í þessu vaxandi hverfi, steinsnar frá íbúðunum. Stapaskóli er heildstæður skóli, leikskóli, grunnskóli, tónlistarskóli, frístundaskóli og félagsmiðstöð. Þessi nýi skóli mun rúma 600 nemendur. Næstu skref eru að byggja íþróttahús og almenningssundlaug við skólann. Þetta er því skóli fyrir 2 ára og uppúr. Nánari upplýsingar eru á www.stapaskoli.is. Bókasafnið, matsalur, félagsaðstaða og sundlaug mun nýtast sem menningarmiðstöð fyrir hverfið eftir að skóladegi lýkur.

Falleg náttúra er allt um kring og stutt í ýmiskonar útivistarmöguleika.